Тәліптер долларды сатып алуға және сатуға тыйым салды

Ақша айырбастау пункттерінің жанына жиналғандарды тәліптер күшпен таратты

Ауғанстанда "Талибан" қозғалысы ақша айырбастау орындарында долларды сатып алуға және сатуға тыйым салды, деп хабарлайды Zakon.kz.

Жуырда Ауғанстанның жергілікті валютасы бір доллар 95-тен 114-ке дейін құлдыраған соң тәліптер ақша айырбастау операцияларын бірден тоқтатты.

Бірінші девальвация 7 желтоқсанда басталды. Бір күннің ішінде айырбас бағамындағы бір доллар 93-тен 100 афганиге дейін өсті.

Әлеуметтік желілерде кейбір ақша айырбастау пункттерінің жанына жиналғандарды тәліптер күшпен таратып жатқаны туралы ақпарат тарады.