Танымал блогер мүгедектерге аяқ протезін сыйлады

Жақында MrBeast есімімен танымал блогер АҚШ пен Гватемалалық мұқтаж мүгедектерге аяқ протезін сыйлады, деп хабарлайды Zakon.kz.

Америкалық YouTube-блогер, кәсіпкер 2 мың жанға өмірін өзгертуге мүмкіндік сыйлаған. Бұл туралы ол өзінің Instagram парақшасында айтты.

Сурет: Instagram/mrbeas

Протез иелерінің бірі екі аяғынан бірдей айырылған адам болды. Блогердің көмегімен ол енді қызының арманын орындай алады. Қызы әкесінің оны үйлену тойында сахнадағы күйеу жігітке дейін шығарып салуын қалаған.

"Мен екі мың адамға қайта жүруге көмектестім", – деп жазды блогер.

Сурет: Instagram/mrbeast

Бұған дейін Илон Масктың ағылшын премьер-лигасындағы құрамаға иелік етуі мүмкін екендігі хабарланған болатын.