Ресейде Путиннің рейтингі 2014 жылдан бергі ең төменгі деңгейге түсті - сауалнама

Путинді қолдау 50%-дан төмендеді

Егер келесі жексенбіде президент сайлауы өтетін болса, ресейліктердің 32 пайызы Кремльдің қазіргі басшысы Владимир Путинге дауыс береді. Бұған 2021 жылдың 25 қарашасы мен 1 желтоқсаны аралығында жүргізген Левада орталығының сауалнамасының нәтижелері дәлел.

Сәуірмен салыстырғанда Путиннің сайлауалды рейтингі 8%-ға төмендеді. Сонымен қатар, бұл 2014 жылдан бергі ең төменгі көрсеткіш. Басқа ресейлік саясаткерлердің рейтингі айтарлықтай төмен.

Мәселен, Ресей Либералдық-демократиялық партиясының жетекшісі Владимир Жириновскийді респонденттердің 3%, РФ Коммунистік партиясының жетекшісі Геннадий Зюгановты 2% қолдауға дайын.

Бұл ретте респонденттердің 27%-ы дауыс бермейтінін айтса, 21%-ы таңдау туралы шешімге келмеген. Президенттік сайлауға қатысуға дайын екенін мәлімдеген респонденттердің арасында Путиннің рейтингі биылғы сәуірмен салыстырғанда 49%, 7%-ға төмен.  2014 жылдан бері алғаш рет Путинді қолдау 50%-дан төмендеді. Респонденттің үйінде жеке әңгімелесу әдісімен 137 елді мекенде барлығы 18 жастан асқан 1 603 адам сұралды.

Керімсал Жұбатқанов, Қазақ-Орыс халықаралық университетінің доценті, тарих ғылымдарының кандидаты