Конгода 50-ден астам адам белгісіз аурудан өлім құшты

Басанкусу қаласының маңында белгісіз аурудың өршуінен 53 адам қайтыс болды. Науқастар алғашқы белгілерден кейін 48 сағат ішінде тіл тартпай кетуде, деп хабарлайды Zakon.kz.

Жүргізілген жедел сынақтардың жартысына жуығы безгек ауруын растап отыр. Actualité басылымының жазуынша, оған себеп, науқастарда қызба, қалтырау, бас ауруы, буын ауруы және басқа да белгілер бар.

"Аурудың өршуі 21 қаңтарда басталды. Содан бері 419 жағдай тіркелді, оның ішінде 53 өлім. Аурудың өлім-жітімі 5,5% құрайды", – деп хабарлады Басанкусу қаласының билігі.

Бұған дейін Конгода қарулы қақтығыс кезінде 17 адам қаза тапқандығы хабарланған болатын.