91 жастағы күйеу жігіт пен 90 жастағы қалыңдық армандаған үйлену тойын өткізді

Хопуэлл қаласында 91 жастағы Гарольд Пью мен оның 90 жастағы жұбайы Фрэнсис некелерінің 70 жылдығын атап өтіп, бір кездері армандаған үйлену тойларын ұйымдастырды, деп хабарлайды Zakon.kz.

Гарольд пен Фрэнсис өткен ғасырдың 50-жылдары мұз айдынында танысқан. Көп ұзамай араларында махаббат сезімі пайда болып, олар 21 және 20 жасында отбасын құрған. WTVR телеарнасының ақпаратынша, жас жұбайлар тек некені ресми түрде тіркеумен ғана шектеліп, той өткізбеген.

"Арада жеті онжылдық өткен соң, ерлі-зайыптылардың достары мен туыстары бұл олқылықтың орнын толтыруды шешіп, жұпқа арнап үйлену тойын ұйымдастырды. Салтанатты рәсім шіркеуде өтті, онда Гарольд пен Фрэнсис бір-біріне махаббат пен адалдыққа қайтадан ант берді", – деп мәлімдеді телеарна.

Айта кетейік, Фрэнсис осы жылдар бойы жолдасына деген сезімі өзгермегенін айтты. Ал берік әрі ұзақ некенің құпиясы туралы сұраққа ерлі-зайыптылар өмірлік серікті саналы түрде таңдап, сенімді бірінші орынға қою қажет екенін атап өтті.

Бұған дейін Түркияда "Сүлеймен сұлтан" сериалының мерейтойы атап өтілуде екенін жазғанбыз.