Шорт-тректен ӘЧ-2025: Қазақстан әйелдер құрамасы төртінші орынға ие болды

Шорт-тректен Бейжіңде (Қытай) өтіп жатқан Әлем чемпионатында әйелдер эстафетасының А финалдық жарысы өз мәресіне жетті, деп хабарлайды Zakon.kz.

Қазақстан құрамасы бұл бағдарламада төртінші нәтиже көрсетті. Шешуші жарыста ел намысын Яна Хан, Малика Ермек, Алина Ажғалиева және Ольга Тихонова қорғады.

Жарыста Канада құрамасы жеңіске жетті. Екінші орынды Польша иеленсе, Нидерланд спортшылары қола жүлдеге қол жеткізді.

Айта кетейік, бұған дейін Денис Никиша 500 метр қашықтықта күміс медаль жеңіп алған болатын.