Қазақстандық велошабандоздар Гонконгтағы турнирде 3 медалді қанжығаларына байлады

Гонконг қаласында (ҚХР) өтіп жатқан Hong Kong International Track Cup халықаралық турнирінде қазақстандық спортшылар жоғары нәтиже көрсетті, деп хабарлайды Zakon.kz.

sportarena.kz ақпаратына сүйенсек, жарысқа 68 елден 300-ден астам спортшы қатысты. Қазақстандықтар екі күміс және бір қола жүлде жеңіп алды.

Топтық жарыста Рамис Дінмұхаметов пен Илья Карабутов Жапония өкілдерінен кейін екінші орын алды.

Іріктеу турында Илья Қарабутов "күміс", ал Рамис Дінмұхаметов "қола" иегері атанды.

Бұған дейін Дмитрий Биволдың ММА-да күресу туралы ұсынысқа жауап бергендігі хабарланған болатын.