«Қайрат» футбол клубына қала бюджетінен қаржылай көмек көрсетіле ме

13:00, 27 қазан 2022

28906

© Сурет: fckairat.kz

27 қазанда Алматы әкімі Ерболат Досаев Наурызбай ауданы тұрғынының "Қайрат" клубына қаржылай көмек көрсетуге қатысты сауалына жауап бере келе, клуб қала меншігіне өткенде ғана көмек көрсетілетінін айтты, деп хабарлайды Zakon.kz.

"Қайрат" қазір жекеменшікте. Әкім қазір сот шешімін күтіп отырғанын айтты.

Қаланың меншігіне өткеннен кейін клубқа көмек көрсету мәселесін қарастырамыз, – деді әкім.

12 қазанда "Қайраттың" баспасөз қызметі клубтың Алматы әкімдігіне өткені туралы ақпаратты жоққа шығарды. Бұған дейін желіде ұсталған кәсіпкер Қайрат Боранбаевтың "Қайрат" футбол клубын барлық инфрақұрылыммен бірге қала билігінің пайдасына қайта жазып бергені туралы ақпарат тарай бастаған.

17 наурызда қазақстандық кәсіпкер Қайрат Боранбаевтың ұсталғаны белгілі болды. Қаржылық мониторинг агенттігі оған қатысты квазимемлекеттік секторда аса ірі көлемде қаржы жымқыру фактісі бойынша қылмыстық істі тергеп жатыр.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!