«Қайрат» «Андерлехттен» тағы да 0:3 есебімен жеңіліп, Еуропа лигасынан шығып қалды

Алматылық "Қайрат" Еуропа лигасының плей-офф кезеңіндегі қарымта матчта бельгиялық "Андерлехтпен" кездесті, деп хабарлайды Zakon.kz.

Sportarena.kz мәліметінше, кездесу Брюссельде өтіп, алаң иелерінің 3:0 есебіндегі жеңісімен аяқталды. "Андерлехт" есепті 45+2-минутта ашты. Пенальтиді Михайло Цветкович сәтті орындады.

53-минутта бельгиялық команда өз басымдығын еселей түсті. Голды Данила Сикан соқты. Ал 71-минутта Жулиан Бьянкон есепті 3:0-ге жеткізіп, матчтың нүктесін қойды.

 

Посмотреть эту публикацию в Instagram

 

Публикация от "Қайрат" ФК | FC Kairat Almaty (@f.c.kairat)

Алматыда өткен алғашқы матч та қонақтардың 3:0 есебіндегі сенімді жеңісімен аяқталған болатын.

Осылайша, "Андерлехт" Еуропа лигасының негізгі кезеңінде өнер көрсетеді, ал "Қайрат" Конференция лигасының негізгі кезеңінде ойнайды.

 

Посмотреть эту публикацию в Instagram

 

Публикация от "Қайрат" ФК | FC Kairat Almaty (@f.c.kairat)

Бұған дейін "Фенербахче" 17 жылдан кейін Чемпиондар лигасының негізгі кезеңіне қайта оралғаны туралы жазған болатынбыз.