Елена Рыбакина Дохадағы WTA 1000 турнирінің ширек финалына шықты

17:50, 12 ақпан 2025

© Сурет: ktf.kz

Елена Рыбакина Дохада өтіп жатқан WTA 1000 турнирінің үшінші айналымында әлемнің 46-ракеткасы словакиялық Ребекка Шрамкованы 7:6 (7:1), 6:2 есебімен ұтты, деп хабарлайды Zakon.kz.

Матч 1 сағат 24 минутқа созылды.

Рыбакина төрт эйс жасап, екі қос қателік жіберді және жеті брейк-пойнттың төртеуін өз есебіне жазды. Бұл спортшылардың өзара алғашқы кездесуі болды.

Қазақстандық теннисші енді ширек финалда Ига Швентек (Польша) пен Линда Носкова (Чехия) арасындағы кездесудің жеңімпазымен кездеседі.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!