Екі қазақстандық спортшы фристайл-могулдан Әлем кубогы кезеңінде үздік ондыққа енді

Уотервиллде (АҚШ) фристайл-могулдан Әлем кубогының кезеңі басталды. Турнир аясында могулшылар жекелей сында бақ сынады, деп хабарлайды Zakon.kz.

Ұлттық Олимпиада комиетінің хабарлауынша, қазақстандықтардан ең үздік нәтижені Юлия Галышева көрсетті. Ол алтыншы орынға тұрақтады.

Анастасия Городко тоғызыншы орын алса, Аяулым Әмренова 26-орынмен сынды аяқтады.

Ерлер арасында Павел Колмаков қорытынды кестеде 21-орынға жайғасса, Антон Бондарев 39-орында, ал Федор Бугаков 43-ші болып мәреге жетті.

Айта кетейік, 25 қаңтарда параллель могулдан жарыстар өтеді.