Бокстан ӘЧ-2025: Төрехан Сабырхан нидерландтық қарсыласынан басым түсті

18:21, 8 қыркүйек 2025

MKZ: 1502316

© Сурет: ҚР ҰОК

Қазақстандық боксшы Төрехан Сабырхан Ливерпульдегі (Ұлыбритания) әлем чемпионатының 1/8 финалында жеңіске жетті, деп хабарлайды Zakon.kz.

Төрехан 70 келіге дейінгі салмақтың 1/8 финалында Роберт Боспен (Нидерланд) қолғап түйістірді, делінген ҚР ҰОК хабарламасында.

Отандасымыз үшін бұл жекпе-жек оңай болған жоқ. Бірінші раундта нидерландтық боксшы басым түсті. Дегенмен Төрехан Сабырхан екінші раундта тізгінді қолына алды. Нәтижесінде, төрешілердің шешімі бойынша 4:1 есебімен жерлесіміз жеңіске жетті.

Айта кетсек, Гүлсая Ержанның да бокстан әлем чемпионатының ширек финалына өткені белгілі.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!