Жыл басынан бері елден жанар-жағармайды заңсыз әкетудің 900-ге жуық фактісіне жол берілмеді
© Сурет: pixabay
6 мамырда ҚР Премьер-министрінің бірінші орынбасары Роман Склярдың төрағалығымен өткен кеңесте Қазақстанның ішкі нарығын жанар-жағармаймен қамтамасыз ету мәселелері қаралды, деп хабарлайды Zakon.kz.
Оған Энергетика министрлігі, Қаржылық мониторинг агенттігі, ҰҚК Шекара қызметі, Мемлекеттік кірістер комитеті және "ҚазМұнайГаз" ҰК" АҚ басшылығы қатысты, делінген Үкімет баспасөз қызметінің хабарламасында.
Энергетика министрі Алмасадам Сәтқалиев пен "ҚазМұнайГаз" АҚ басқарма төрағасы Мағзұм Мирзағалиевтың айтуынша, нарықтағы жағдай тұрақты және жанар-жағармайдың барлық түрі бойынша қор жеткілікті. Көктемгі егіс жұмыстары үшін ауыл шаруашылығы тауарын өндірушілерге дизельдік отын жеткізу бірінші кезекте жүргізіліп жатқаны атап өтілді.
ҰҚК Шекара қызметі директорының орынбасары Бауыржан Әбсаматов мұнай өнімдерінің көлеңкелі ағыны мен «сұр» экспортын болдырмау бойынша белсенді жұмыс жүргізіліп жатқанын хабарлады. Атап айтқанда, Мемлекеттік кірістер комитетімен бірлесе отырып, жыл басынан бері бақылау-өткізу бекеттерінде шамамен 130 мың литр көлемінде жанар-жағармайды заңсыз әкетудің 900-ге жуық дерегі анықталып, жолы кесілді.
Бұдан бөлек, жыл басынан бері Қаржылық мониторинг агенттігінде жалпы құны 1,6 млрд теңге болатын 6 мың тонна жанар-жағармайдың заңсыз сатылуы бойынша 13 материал тіркелді.
Сондай-ақ кеңесте ресейлік тараппен қажет болған жағдайда жанар-жағармай жеткізу туралы Үкімет деңгейіндегі келісім бар екені атап өтілді.
Кеңес қорытындысы бойынша Премьер-министрдің бірінші орынбасары ішкі нарықта жанар-жағармай тапшылығын болдырмау және оны елден заңсыз шығару әрекеттерінің жолын кесу бойынша нақты тапсырмалар берді.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
13:14, 19 мамыр 2024
Пәкістан билігі Бішкектен шамамен 200 студентті арнайы рейспен алып шықты
-
12:33, 19 мамыр 2024
Павлодарда автобус трамвай бағанына соғылып, жүргізуші қаза тапты
-
12:33, 19 мамыр 2024
Павлодарда автобус трамвай бағанына соғылып, жүргізушісі қаза тапты
-
12:25, 19 мамыр 2024
Жекпе-жектен кейін БАҚ алдына жалғыз шыққан Фьюри: Усикті ауруханаға алып кетті
-
12:07, 19 мамыр 2024
Қарағандыда шұңқырға түсіп, балшыққа батқан құлын құтқарылды