«Жүрегің қанжылайды». Блогер суалып бара жатқан «қарт Каспийді» көрсетті

Маңғыстаулық блогер Азамат Сәрсенбаев 31 наурызда Instagram-дағы парақшасында Каспий теңізінің қазіргі қал-күйін сипаттайтын видео жариялады, деп хабарлайды Zakon.kz.

Блогер "Каспий теңізі суалып барады" деп жазды.

"Әлемдегі ең қорқынышты сезімнің бірі – айналаңдағы таныс тамаша дүниенің жоғалып, көңіл құлазытатын естелікке айналуы", – деп жазды блогер.

Посмотреть эту публикацию в Instagram

Публикация от Азамат Сарсенбаев (@azamat_sarsenbayev)

Видео астына көптеп пікірлер қалдырылған. Олардың бір парасы былай болып келеді:

- Жүрегің қанжылайды екен.

- Өкінішке қарай, осының барлығы адамдардың ісі. 

- Табиғат құрыды деген сөз адамзат та құриды деген сөз.

- Аянышты екен. 

- Теңіз түбі көрінейін деп қалыпты...

Каспий теңізі неге таязданып бара жатқанын Экология министрлігі 11 қаңтарда түсіндірген болатын. Экология белсенділері 2023 жылы Каспий теңізінің суалуы рекордтық деңгейді қамтиды деп дабыл қағады.