Жетісу облысының тұрғынынан заңсыз ауланған 100 келі балық тәркіленді

Жетісу облысында ауыл тұрғынынан 100 келі заңсыз ауланған балық тәркіленді. 63 жастағы ер адам Кербұлақ ауданы Сарыөзек ауылының маңында ұсталды, деп хабарлайды Zakon.kz polisia.kz-ке сілтеме жасап.

Оның көлігінен балықтың әртүрлі түрі мен пайдалануға тыйым салынған дараталшық торлары табылды.

Тәркіленген балықтың жалпы салмағы - шамамен 100 келі.

"Балық сату үшін қабылдау пунктіне өткізілді, одан әрі жиналған қаражат мемлекет кірісіне тапсырылады. 400 мың теңгеге жуық шығын келді". Табиғатты қорғау полициясының аға инспекторы Бағлан Рымжанов

ҚР Қылмыстық кодексінің 335-бабына сәйкес, тергеу амалдары жүріп жатыр.