Australian Open: Елена Рыбакина екінші айналымға шықты

17:03, 14 қаңтар 2025

© Сурет: ktf.kz

Қазақстанның бірінші, әлемнің 7-ракеткасы Елена Рыбакина Аустралия ашық чемпионатының екінші айналымына шықты, деп хабарлайды Zakon.kz.

Қазақстандық теннисші алғашқы айналымда дүниежүзілік рейтингіде 293-орында тұрған 16 жастағы аустралиялық Эмерсон Джонспен шеберлік байқасты.

Бұл жасөспірімдер арасында ITF рейтингісінде бірінші орында тұрған Эмерсон Джонстың "Үлкен дулыға" турниріне алғаш қатысуы еді.

Еленаға бастапқы сетті аяқтауға 26 минут уақыты кетті – 6:1. Екінші сетте есеп 1:1 болған мезетте қарсыласының қателігін пайдаланған Рыбакина брейкке қол жеткізді. Матчты тағы бір брейкпен тәмамдады – 6:1.

Елена Рыбакина үшінші айналымға шығу үшін әлемнің 191-ракеткасы, 17 жастағы америкалық Ива Йовичпен кездеседі.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!