Ақтөбедегі қайғылы оқиға: облыс әкімі Асхат Шахаров мәлімдеме жасады

Ақтөбе облысының әкімі Асхат Шахаров облыстың әкімшілік орталығында орналасқан жеке үйлердің бірінде кепілге алынғандар туралы мәлімдеме жасады, деп хабарлайды Zakon.kz.

Аймақ басшысы бүгін Facebook желісінде тиісті жазбасын жариялады.

Облыс орталығындағы қылмыскердің түндегі әрекеті қоғамда жан-жақты талқылануда. Бұл жағдайға қатысты қылмыстық іс қозғалып, тергеу амалдары жүргізіліп жатқанын айтқым келеді. Құқықтық бағасын құзырлы органдар беретін болады. Қазіргі уақытта зардап шеккен жәбірленушіге жан-жақты медициналық және психологиялық қолдау көрсетілуде, деп жазды әлеуметтік парақшасында Асхат Шахаров.

Сонымен қатар, оның айтуынша, марқұмды жерлеу рәсімін өткізуге қажетті көмек ұйымдастырылады.

"Ал марқұм болған азаматтардың жерлеу рәсіміне қажетті көмектер ұйымдастырылады. Осы ретте күдіктіні ұстауда кірпік ілмей, кәсібилік танытқан полиция қызметкерлеріне алғысымды білдіремін. Қауіпсіздік шаралары — бақылауымда." Асхат Шахаров

2025 жылдың 13 қаңтары күні кешке Ақтөбеден белгісіз біреудің жеке үйге басып кіріп, қызды кепілге алғаны туралы хабар келді. Бірнеше сағаттан кейін полиция кепілге алынғандарды құтқару операциясының сәтті өткенін хабарлады.

14 қаңтарда өз үйінде кепілге алынған қарт ер мен әйел алған жарақатынан қайтыс болғаны белгілі болды.

Кепілге алынған адамның марқұм анасы 67 жаста, жедел жәрдем көлігінде көз жұмды. Екінші жәбірленуші өгей әке, ол 75 жаста, операция үстелінде қайтыс болды. Олардың қызы ауруханада жатыр. Оның басы мен қолында кесілген жаралар бар. Оған барлық қажетті көмек көрсетіледі. Дәрігерлер атап өткендей, жәбірленуші ауыр психологиялық жағдайда онымен психологтар жұмыс істеуде.

Ақтөбе облысының полициясы шабуыл жасаған адамның ешқандай талап қоймағанын атап өтті.