Жеті жыл бойы әйеліне күн көрсетпеген елордалық жауапқа тартылды

Астана прокуратурасы 2024 жылғы 15 маусымнан бастап отбасы-тұрмыстық қатынастар бойынша құқықбұзушылық жасағаны үшін жауаптылық күшейтілгендігін еске салды, деп хабарлайды Zakon.kz.

Енді қинау үшін (ҚК 110-бабы) бас бостандығынан айыру жазасы көзделген, ал денсаулыққа қасақана жеңіл зиян келтіру (ҚК 108-1 бабы) және ұрып-соғу (ҚК 109-1 бабы) әрекеттері қылмыстық жауаптылыққа әкеп соғады.

2024 жылы осы санаттағы істер бойынша 85 отбасылық бұзақы сотталды.

"Мысалы, 7 жыл бойы әйеліне тән зардабы мен психикалық зардап шегуге ұшыратып, қинағаны үшін ер адам 1 жылға бас бостандығынан айырылды". Астана қаласы прокуратурасы

Астана қаласының прокуратурасы қол жұмсау мен тұрмыстық зорлық-зомбылық үшін қылмыстық жауаптылық туралы ескертеді.