Жаңа алаяқтық схема: жоғары жалақы ұсынатын жаңа сайт пайда болды

Елімізде азаматтарға жоғары жалақы ұсынатын күмәнді сайт пайда болды, деп хабарлайды Zakon.kz.

Сайтта ұсынылған жұмыс мәтіндерді көшіріп жазумен байланысты. Internet Freedom Telegram-каналының жазуынша, сайттың жұмыс схемасы ескі әрі қарапайым:

• Мәтіндерді қайта теру үшін жоғары төлемдер ұсынылады. Бір бет үшін 600 теңге;
• "Жеке кабинет" ашу үшін ақы талап етіледі. Әдетте 5 мың теңге шамасында;
• Табыс көлемінің тартымдылығы. Айына 400 мың теңгеге дейін.

Алайда, төлем жасалғаннан кейін алаяқтар жоғалып кетеді. Ал, чат автоматты түрде жойылады, осылайша ақшаны қайтару мүмкін болмайды.

Бұған дейін алаяқтардың жұмыс іздеп жүрген қазақстандықтарды алдауға көшкендігі жайлы хабарланған болатын.