Бұршақ, жаңбыр, қар және тұман: еліміздің бірінеше өңірінде ескерту жасалды

Синоптиктер ертең, 5 сәуірде республиканың бірнеше өңірінде қолайсыз ауа райына байланысты ескерту жасады, деп хабарлайды Zakon.kz.

Қостанай облысында түнде және таңертең облыстың батысында, шығысында тұман күтіледі. Оңтүстік-батыстан жел соғады, түнде және таңертең 15-20, екпіні 23 м/с.

Жетісу облысының оңтүстігінде, таулы аудандарында күндіз қатты жаңбыр, найзағай, бұршақ күтіледі. Оңтүстік-батыстан жел соғады, облыстың солтүстігінде, батысында екпіні 15-20, Алакөл көлдері ауданында кей уақыттарда 23-28 м/с.

Семейде түнде жел оңтүстік-батыстан, батыстан соғады, күші 15-20, екпіні 23 м/с.

Қызылорда облысының орталығында шаңды дауыл күтіледі. Жел оңтүстік-батыстан соғады, түнде облыстың орталығында екпіні 15-20 м/с күтіледі.

Өскеменде түнде жел оңтүстік-батыстан соғады, күші 15-20, екпіні 23 м/с.

Алматы облысының оңтүстігінде, батысында қатты жаңбыр, облыстың таулы аудандарында қатты жауын-шашын (жаңбыр, қар) күтіледі. Облыстың солтүстігінде, оңтүстігінде, таулы аудандарында кей уақытта найзағай, бұршақ. Шығыстан жел соғады, облыстың батысында, оңтүстігінде, таулы аудандарында екпіні 15-20, кей уақытта 25 м/с.

Алматыда күндіз қатты жаңбыр, найзағай күтіледі. Шығыстан жел соғады, найзағай кезінде екпіні 15-20 м/с.

Ақтөбе облысында оңтүстік-батыстан жел соғады, күндіз облыстың батысында, солтүстігінде екпіні 15-20 м/с күтіледі.

Астанада түнде жауын-шашын (жаңбыр, қар), көктайғақ, тұман күтіледі. Оңтүстік-батыстан жел соғады, кей уақыттарда екпіні 15-18 м/с.

Ақмола облысының солтүстігінде, оңтүстігінде, шығысында жауын-шашын (жаңбыр, қар), көктайғақ күтіледі. Түнде және таңертең тұман күтіледі. Оңтүстік-батыстан жел соғады, түнде облыстың солтүстігінде, оңтүстігінде, шығысында екпіні 15-20 м/с, күндіз 15-20 м/с, облыстың батысында, солтүстігінде екпіні 25 м/с.

Қарағанды облысының батысында, солтүстігінде, шығысында көктайғақ күтіледі. Түнде және таңертең облыстың батысында, солтүстігінде, шығысында тұман. Батыстан, оңтүстік-батыстан жел соғады, түнде облыстың батысында, солтүстігінде, шығысында екпіні 15-20, кей уақыттарда 23 м/с.

Ұлытау облысының шығысында көктайғақ күтіледі. Түнде және таңертең облыстың солтүстігінде, шығысында тұман. Солтүстік-батыстан соғатын жел оңтүстік-батысқа ауысады, түнде облыстың солтүстігінде, шығысында екпіні 15-20 м/с.

Жамбыл облысының таулы аудандарында қатты жаңбыр күтіледі. Облыстың батысында, оңтүстігінде, шығысында, таулы аудандарында найзағай, күндіз бұршақ күтіледі. Оңтүстік-батыстан жел соғады, облыстың оңтүстік-батысында, солтүстік-шығысында, таулы аудандарында 15-20 м/с, екпіні 23-28 м/с күтіледі.

Батыс Қазақстан облысының батысында найзағай. Жел оңтүстік-батыстан соғады, күндіз екпіні секундына 15-20 метрге жетеді.

Солтүстік Қазақстан облысында түнде оңтүстік-шығысында көктайғақ күтіледі. Түнде және таңертең облыстың оңтүстігінде тұман күтіледі. Оңтүстік-батыстан жел соғады, түнде облыстың шығысында, батысында екпіні 15-20 м/с, күндіз 15-20, екпіні 23-28 м/с.

Түркістан облысының оңтүстігінде, таулы аудандарында кей уақыттарда қатты жаңбыр, найзағай күтіледі. Оңтүстік-батыстан жел соғады, облыстың батысында, оңтүстігінде, таулы аудандарында 15-20, түнде екпіні 23- 28 м/с.

Шымкентте кей уақыттарда найзағай ойнайды. Оңтүстік-батыстан жел соғады, екпіні 15-20 м/с.