Жамбыл облысында ауыл әкімін пышақтап кетті

00:16, 30 наурыз 2023

143

© Сурет: pixabay

Жамбыл облысында ауыл әкімін жұмыс орнында пышақтап кетті. 42 жастағы тұрғын ұсталды, деп хабарлайды Zakon.kz.

Жамбыл облысы полиция департаментінің хабарлауынша, 2023 жылғы 24 наурызда Меркі ауданының полиция бөліміне Ойтал ауылдық округі әкімін жұмыс орнында белгісіз ер адам пышақтап, ауруханаға жеткізілді деген хабар түскен.

Бұл дерекке қатысты ҚР Қылмыстық кодексінің 106-бабының 1-бөлігімен (Денсаулыққа қасақана ауыр зиян келтіру) сотқа дейінгі тергеу амалдары басталды.

Аудандық полиция қызметкерлерімен жүргізілген жедел-іздестіру іс-шараларының нәтижесінде 42 жастағы жергілікті тұрғын анықталып, ұсталған.

"Медициналық сараптама нәтижелері бойынша ұсталған азаматтың алкогольдік және есірткілік мас күйінде болғаны анықталды. Сонымен қатар, 2013 жылға дейін Жамбыл облыстық психикалық денсаулық орталығында "Шизофрения - Ф-20" диагнозымен есепте тұрғаны белгілі болды. Оған қатысты күзетпен ұстау түріндегі бұлтартпау шарасы қолданылып, ҚПК-нің 131-бабының талаптарына сәйкес уақытша ұстау изоляторына қамаққа алынды", - делінген хабарламада.

Бірқатар қажетті сараптама тағайындалып, тергеу жүргізіліп жатыр.

Оқи отырыңыз

"Каналға құлап кеткен". Түркістан облысында тағы бір кәмелтке толмаған қыз іздестіріліп жатыр

Астанада 14 жерінен пышақталған имам ауруханадан шықты

Павлодарда түрмедегі төрт адам ауруханаға пышақ жарақатымен түсті

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!