Жамбыл облысы бойынша көліктік бақылау инспекциясы басшысының міндетін атқарушы сотталды

11:40, 1 сәуір 2025

© Фото: Zakon.kz

Жамбыл облысында көліктік бақылау инспекциясы басшысының міндетін атқарушы Кемелов сотталды, деп хабарлайды Zakon.kz.

Антикор 2025 жылдың 1 сәуірінде хабарлағандай, Тараз қалалық соты оны 20 наурызда жүк көліктерінің үш иесі мен жүргізушілерінен облыс аумағында кедергісіз жүріп-тұруы үшін бірнеше рет 100-ден 450 мың теңгеге дейін пара алғаны үшін кінәлі деп таныды. Олардың бірі пара берумен қатар Кемеловке пара алу кезінде делдалдық қызмет атқарған.

Кемелов 6 жылға, пара берушінің бірі 3 жылға бас бостандығынан айырылды, қалған екі пара берушілердің әрқайсысына 5,6 млн теңге айыппұл тағайындалды.

Сотталғандар мемлекеттік қызметте және квазимемлекеттік мекемелерде қызмет атқару құқығынан өмір бойына айырылды.

Сот актісі заңды күшіне енген жоқ.

Конституцияның 77-бабы 3-тармағының 1-тармақшасына және Қылмыстық-процестік кодекстің 19-бабы 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әрбір адам кінәсіз деп есептеледі.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!