Атырауда 80 млн теңгеге жуық қаражатты жымқырған интернет-алаяқ ұсталды

Атырау облысының 31 жастағы тұрғыны онлайн-банкинг арқылы тұрғындарға несие қаражатын қолма-қол алып беретінін айтып, алаяқтық қылмысын жасаған, деп хабарлайды Zakon.kz.

Полицияның мәліметінше, күдікті осындай жолмен 30 қылмыс жасап, тұрғындарға 80 млн теңгеге жуық шығын келтірген.

Өзге ақпарат тергеу мүддесіне сәйкес жария етілмеді.

Полиция интернет-алаяқтардан сақ болуға және жеке деректерді құпия ұстауға үндеді.