Жалпыға бірдей декларациялау: қазақстандықтар декларацияны тапсыру кезінде қандай қателіктер жібереді

14:21, 23 шілде 2024

© Сурет: pixabay

Маңғыстау облысы бойынша Мемлекеттік кірістер департаменті қателерді болдырмау үшін декларацияны толтыру кезінде не нәрсеге назар аудару керектігін айтты, деп хабарлайды Zakon.kz.

Ведомство ақпаратынша, 250.00 нысанындағы активтер мен міндеттемелер туралы декларацияны толтыру кезінде кейбір декларанттар қателіктер жібереді, атап айтқанда салық кезеңін дұрыс көрсетпейді, 2024 жылдың орнына 2023 жылды көрсетеді.

"Сондай-ақ, салық төлеушінің санатын таңдау кезінде қателер орын алады, яғни "В" санатының орнына (3-кезең бойынша декларациялауға жататын тұлғалар) "А" санатын (мемлекеттік қызметке не сайланбалы лауазымға кандидаттар) таңдайды. Яғни, 3-кезең декларанттары 2024 жылды және В санатын таңдайды және барлық мәліметтер 2023 жылғы 31 желтоқсандағы жағдай бойынша көрсетіледі". Маңғыстау облысы бойынша Мемлекеттік кірістер департаменті

Еске салайық, 2024 жылғы 1 қаңтардан бастап 3-кезең декларанттары, ал бұлар заңды тұлғалардың басшылары, құрылтайшылары, қатысушылары, дара кәсіпкерлер және олардың жұбайлары 250.00 нысаны бойынша жеке тұлғаның активтері мен міндеттемелері туралы декларацияны тапсырады.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!