Велоспорттан Азия чемпионатында тағы бір жерлесіміз топ жарды

14:47, 9 маусым 2023

© Сурет: Мәдениет және спорт министрлігінің баспасөз қызметі

Таиландтың Районг қаласында өтіп жатқан тас жолдағы велоспорттан Азия чемпионатында 23 жасқа дейінгі велошабандоздар арасында отандасымыз Андрей Ремхе мәре сызығын бірінші болып кесті, деп хабарлайды Zakon.kz.

ҚР Мәдениет және спорт министрлігінің мәлімдеуінше, ол белгіленген 30 шақырымды 36:11.058 секундта бағындырды. Одан кейін қытайлық Жу Цзиньян мен индонезиялық Мұхаммед Энди Ройан келді.

"Бірнеше күн бұрын аралас командалық сында Ұлттық құрама чемпион атанған. Ол кезде Қазақстан құрамасы сапында Евгений Федоров, Дмитрий Груздев, Игорь Чжан, Махаббат Үмітжанова, Рината Сұлтанова және Марина Куьзмина жарыс жолына шықты", – делінген хабарламада.

Жалпы Районгта сары құрлықтағы 27 елден келген 700-ге жуық велошабандоз ересектер арасындағы 42-ші, жастар арасындағы 29-шы, 11-ші пара Азия чемпионатында сынға түсіп жатыр. Мұнда Париж Олимпиадасына қажет рейтинг ұпайлары сарапқа салынады. Чемпионат 13 маусымда мәресіне жетеді.

Оқи отырыңыз

Кукушкин мен Сағандықова халықаралық турнирлердің ширек финалына шықты

Әмір Омарханов Грузиядағы ITF Juniors турнирінің абсолютті чемпионы атанды

Аргентиналық жанкүйерлер футбол матчын отшашу мерекесіне айналдырды

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!