Үндістан АҚШ-пен баж салығына қатысты келісімге келмек

10:48, 7 сәуір 2025

© Сурет: pixabay

Үндістан АҚШ президенті Дональд Трамптың сауда баждарына қатысты кері байланыс беруге емес, оның орнына сауда мәмілесін жасауға бар күш-жігерлерін жұмсауда, деп хабарлайды Zakon.kz.

The Economic Times Үндістан үкіметінің өкіліне сілтеме жасай отырып, билік қарама-қайшылыққа емес, диалогқа ұмтылатындығын жазды. Оның айтуынша, ел АҚШ-пен әділ сауда мәмілесін жасау үшін әрекет етуде.

Белгілі болғандай, қазіргі уақытта барлық нұсқалар талқыланып жатыр, мәміле тауарлармен қатар, көрсетілетін қызметтерді де қамтымақ.

Сонымен қатар, басылым Трамп пен Үндістан Премьер-Министрі Нарендра Моди ақпан айында 2025 жылдың күзіне дейін екіжақты сауда келісімі туралы келіссөздер жүргізуге келіскенін атап өтті.

Айта кетсек, АҚШ президенті Дональд Трамп 2025 жылдың 2 сәуірінде әлем елдерінің импортына "өзара" баж салығын енгізу туралы жарлыққа қол қойды. Базалық минималды мөлшерлеме 10%. Бұл ретте, Үндістанға 26%-дық көрсеткіш бекітілген болатын.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!