Ұлытау облысында мал ұрлығы ашылды: күдіктілер ұсталды

Қаңтар айының басында Сәтбаев қаласында жеке шаруашылықтардан ірі қара малдың ұрланғаны туралы хабарлама келіп түсті. Белгісіз біреулер саяжайларда орналасқан қоралардан сиырларды ұрлап кеткен, деп хабарлайды Zakon.kz.

Ұрлық туралы алғашқы хабарлама 2 қаңтарда түсті.

Жедел-іздестіру шаралары барысында полиция күдіктілер тобын ұстады. Олардың арасында жәбірленушінің көршілері де болғаны анықталды.

Күдіктілер түнде қораға кіріп, сиырларды алып шығып, қаладан 5 шақырым қашықтықта апарып сойған.

Қазіргі уақытта барлық күдіктілер уақытша ұстау изоляторына қамалды. Тергеу жалғасып жатыр.