Теңге мен рубль нығая түсті: алда не күтіп тұр

Жаңа жылдың басы — Ресейдің және ішінара Қазақстанның валюта нарығындағы алыпсатарлар үшін тиімді уақыт. Бұл кездегі валюта бағамын негізінен дәл осы топ мүшелері қалыптастырады, деп хабарлайды Zakon.kz.

2025 жылғы қаңтардың басында Ресейде доллардың биржадан тыс бағамы 115 рубльге дейін көтерілді. Алайда жаңажылдық демалыс аяқталғаннан кейін 101,6797 рубльге қайта оралды (Ресейдің Орталық Банкінің мәліметтері бойынша 2025 жылдың 9 қаңтарындағы таңертеңгі бағам).

Сурет: investing

Ал жыл басынан бері теңге бір доллар үшін 524,1 теңгеден 530,96 теңгеге дейін төмендеді. Сонымен қатар, сауда-саттық көлемі өте төмен болды. 2 қаңтарда тек 119,5 миллион доллар (-80,5 миллион) саудаға түссе, 8 қаңтар күні кешке теңге (рубль сияқты) нығая бастады, осылайша бүгінгі 9 қаңтардағы доллардың ресми бағамы 527.23 теңгені құрады.

Сурет: investing

Рубльдің ендігі беталысы қандай болмақ, ол ұлттық валютамызға қалай әсер етеді? Сарапшы Арсен Темірбаевтың айтуынша, алдағы аптада ресейлік валюта бағамы бір доллар үшін 100-105 рубль аралығын қамтиды.

"Ресейде жаңа жылдық мерекелерден кейін импорттаушылар тарапынан валютаға сұраныс дәстүрлі түрде төмендейді. Сонымен қатар, Ресейде бүгінде барлығы АҚШ-тан жағымды геосаяси жаңалықтарды күтуде, бұл рубльге қысымды жеңілдетеді". Арсен Темірбаев

Кешегі Мәскеудегі сауда-саттықтың нәтижелері қаладағы қалыптасқан оптимистік жағдайды көрсетеді. Негізгі сессияның қорытындысы бойынша Moex индексі 0,87%-ға өсіп, 2840,79 тармақ деңгейінде жабылды.

"Алғашқы 10 күн биылғы жылғы ең жым-жырт кезең болмақ, валюта бағамында азды-көпті ғана өзгерістер күтілуде. Алайда, 20 қаңтардан кейін Трамп ресми түрде Америка президенті қызметіне кіріскеннен кейін не болатынын ешкім білмейді". Арсен Темірбаев

Бұған дейін Алматы және Астана айырбастау пункттеріндегі 9 қаңтардағы валюта бағамы жайлы хабарланған болатын.