Түркияда оқу ұшағы апатқа ұшырады

8 қаңтарда оқу ұшағы Бурса-Йенишехир әуежайындағы ұшу-қону жолағынан тыс жерге ұшып кетті, деп хабарлайды Zakon.kz.

Hurriyet ақпаратынша, апат салдарынан ұшақ алдыңғы жағымен жерге құлап, ұшқыш жеңіл жарақат алды.

Сурет: hurriyet

Ұшақ жеке ұшу мектебіне тиесілі болып шықты. Ал, оны жеке ұшқыш лицензиясы бар студент басқарған. Ол жаттығу тапсырмасын орындады. Мектептің айтуынша, қазір оның денсаулығына қауіп төніп тұрған жоқ.

Бұған дейін Air Astana жолаушылар ұшағының техникалық ақауға байланысты Ақтауға шұғыл қонғандығы хабарланған болатын.