Ұлттық ұлан бас қолбасшысының орынбасары жаңадан тағайындалды
Полковник Константин Воронкин Ұлттық ұлан бас қолбасшысының орынбасары болып тағайындалды, деп хабарлайды zakon.kz.
"ҚР Президенті Әкімшілігінің келісімімен Қазақстан Республикасы Ішкі істер министрінің биылғы жылғы 24 қарашадағы бұйрығымен Ұлттық ұлан Бас қолбасшысының техника және қару-жарақ жөніндегі орынбасары лауазымына полковник Константин Воронкин тағайындалды" делінген Ұлттық ұланнның баспасөз қызметінің хабарламасында.
Тағайындалған офицерді Ұлттық ұлан Бас қолбасшылығының жеке құрамына Ішкі істер министрі Ерлан Тұрғымбаев таныстырды.
Ведомство басшысы Константин Юрьевичтің құқықтық тәртіп әскерінің басқару жүйесінде мол қызметтік тәжірибесі бар екенін айтып, оның ішкі істер органдары мен Ұлттық ұланның дамуына лайықты үлес қосатынына сенім білдірді.
Константин Воронкин қызметтік жолын Шымкент қаласында взвод командирінен бастаған. Кейін құқықтық тәртіп әскерінде техника және қару-жарақ бағыты бойынша түрлі лауазымдарда қызмет етті. 2011 жылдан бастап күні бүгінге дейін Ішкі әскерлер, бұдан соң Ұлттық ұлан Бас қолбасшылығында техника және қару-жарақ басқармасына басшылық жасап келді.
Ішкі істер министрінің осы бұйрығымен Ұлттық ұланның "Орталық" өңірлік қолбасшылығы қолбасшысының бірінші орынбасары – штаб бастығы лауазымына полковник Нұрбол Міртаев, "Орталық" өңірлік қолбасшылығы қолбасшысының орынбасары лауазымына полковник Ерлан Шөкішев тағайындалды.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
17:27, 26 сәуір 2024
Шиелі ауданындағы ірі компаниялар да «Таза Қазақстан» акциясына үлес қосты
-
17:23, 26 сәуір 2024
Жеңіл атлетикадан Азия чемпионаты: қазақстандықтар тағы үш медаль жеңіп алды
-
17:11, 26 сәуір 2024
Алматыда автобус жүргізушісін ұрған тұрғынға қатысты үкім шықты
-
17:05, 26 сәуір 2024
Елена Рыбакина Мадридтегі турнирдің үшінші айналымына шықты
-
17:04, 26 сәуір 2024
Астанадан африкалықтар жер аударылды