Twitter ақылы болуы мүмкін

X (бұрынғы Twitter) басшысы Илон Маск әлеуметтік желіні пайдаланғаны үшін ақы алатынын айтты. X-те қазірдің өзінде қолданушыларға ұзақ хабарламалар жазуға және іздеу нәтижелеріндегі аккаунттың басымдылығын арттыруға мүмкіндік беретін ақылы жазылым бар, деп хабарлайды Zakon.kz.

Кәсіпкер "боттар армиясымен" күресу үшін компания "азғантай төлем" енгізетінін айтты. Маскке қолданушылар көптен бері платформада жалған аккаунттар бар екеніне шағымданған, деп жазды Sky News.

Ол жазылу бағасы қанша болатынын нақтыламады, қосымша мүмкіндіктер туралы да ештеңе айтқан жоқ.

X қазірдің өзінде пайдаланушыларды тексеретін, ұзақ хабарламалар жазуға және өңдеуге мүмкіндік беретін ай сайынғы премиум жазылымын ұсынып отыр.

Әлеуметтік желі Bluesky және Mastodon, сондай-ақ Meta-дан Threads бәсекелестігінің артуына қарамастан танымал болып қала береді.

Оқи отырыңыз

Британияда судья шешім жазу үшін ChatGPT пайдаланған

13:54, 18 қыркүйек 2023

Қазақстанда спутниктік телерадио хабарларын тарату қызметі қалпына келтірілді

10:59, 16 қыркүйек 2023

TikTok-қа 368 млн доллар көлемінде айыппұл салынды

09:41, 16 қыркүйек 2023