Түркістанда пойызға мінгелі тұрған жерінен қашқан әскерге шақырылушының досы жазаға кесілді

Түркістан облысында әскерге шақырылушы шығарып салу кезінде темір жол перронында қашып кетті. Ол үшін оның досы жазаланды, деп хабарлайды Zakon.kz.

2025 жылғы 9 шілдеде Түркістан облыстық сотының баспасөз қызметі хабарлағандай, 2025 жылдың 25 мамырында сағат түнгі 00:30 шамасында Түлкібас теміржол станциясының перронында, әскерге шақырылғанның досы қоштасу барысында полиция қызметкеріне кедергі жасап, қарсылық танытқан.

Салдарынан әскерге шақырылған тұлға поезға мінбей, қашып кеткен.

Сотта, құқық бұзушы Ө. кінәсін толық мойындап, өзіне жеңіл жаза тағайындауды сұрады. Сот үкімімен Ө. кінәлі деп танылып, оған 30 АЕК мөлшерінде, яғни 117 960 теңге әкімшілік айыппұл салынды.

Қаулы заңды күшіне енді.

Бұған дейін Перизат Қайраттың соты ашық, бірақ кейбір шектеулермен өтетіні хабарланған.