Түркістан облысында ер адам дүкеннің терезесін сындырып, спорттық киімдерді ұрлап кеткен

21:00, 2 сәуір 2025

© Сурет: polisia.kz

Түркістан облысы Сайрам ауданы полиция басқармасының қызметкерлері жедел-іздестіру іс-шараларын жүргізу барысында дүкеннен ұрлық жасады деген күдікпен жергілікті тұрғынды қолға түсірді, деп хабарлайды Zakon.kz.

Белгілі болғандай, оқиға түнгі сағат 02:30 шамасында болған. Ер адам пластик терезені сындырып, ішке кірген. Содан 20 мың теңге тұратын 10 шақты ерлерге арналған спорттық киімді ұрлап кеткен. Ол бұл қылмысын мас күйінде жасаған.

Келтірген шығын көлемі 200 мың теңгені құрады.

Полиция қызметкерлері күдіктіні дер кезінде анықтап, айғақты заттарды тәркілеп алды. Қазіргі таңда ер адамға қатысты сотқа дейінгі тергеу амалдары жүргізіліп жатыр.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!