Тоқаев теңгені егемендігіміздің символы санайды

Мемлекет басшысы Қасым-Жомарт Тоқаев Ауыл шаруашылығы еңбеккерлерінің бірінші форумында теңгені "тәуелсіздіктің символы" деп атады. Толығырақ Zakon.kz ақпаратында.

Бүгін – Ұлттық валюта күні.

"Төл валютамыз – тәуелсіздіктің символы. Теңгенің тұрақтылығы Қазақстан экономикасының орнықты дамуына ықпал етеді. Мемлекеттің қаржы саясаты бірінші кезекте нақты сектордың өркендеуіне бағытталғаны дұрыс. Бұл салада мемлекеттік қолдаудың ауқымдылығын ескере отырып, есептеу мен қадағалаудың тиімділігін жолға қою қажет". Қасым-Жомарт Тоқаев

Ол сондай-ақ, өзінің тапсырмасы бойынша ауыл шаруашылығындағы статистиканы бұрмалау, жалған құжат толтыру, көзбояушылық фактілерін түп-тамырымен жою жұмыстары жүргізіліп жатқандығын айтты.

"Осының нәтижесінде біз саланың нақты жағдайын бағамдай аламыз, экономикалық шығынға соқтыратын тиімсіз шешім қабылдамаймыз. Үкімет субсидия берудің ашықтығын толық қамтамасыз етіп, саланы нарықтық әдіс-тәсілдер арқылы нығайтуды қолға алуы қажет. Бұл салада стратегиялық тұрғыдан сенімді әрі мұқият ойластырылған мемлекеттік реттеу тетіктеріне көшу маңызды",- деді Мемлекет басшысы.

Бұған дейін Мемлекет басшысы агроөнеркәсіп кешенін қаржыландыруды жүйелі жүргізу қажет екенін айтқан болатын.