Ақмола облысында құрамында алтыны бар материалды заңсыз өңдейтін екі шағын цех жойылды

Ақмола облысындағы Заводская елдімекенінде құрамында алтыны бар материалды заңсыз өңдейтін екі шағын цех жойылды, деп хабарлайды Zakon.kz.

Полиция қызметкерлері жедел-іздестіру және рейдтік іс-шараларды өткізу барысында құрамында алтыны бар материалды қайта өңдеу бойынша екі шағын цехтың жұмысын анықтады.

"Тергеу іс-шаралары нәтижесінде құқық қорғау органдары жалпы саны алты ұсақтау қондырғысын, жеті электр қозғалтқышын, екі жуу үстелін және құрамында алтыны бар зат толы 30 қап тәркіледі. Заңсыз жабдықтарды пайдаланып келген тұлғалар Заводская елдімекені мен Степногорск қаласының тұрғындары болып шықты. Қазіргі уақытта екі оқиға бойынша да сотқа дейінгі тергеу жүргізілуде". Ақмола облысы ПД баспасөз қызметі

Айта кетсек, қымбат металдардың заңсыз айналымы айтарлықтай ауыр қылмыс болып саналып, ол айыппұл немесе 50 тәулікке дейін қамауға алу жазасын қарастырады.