Тоқаев Румыния Президенті Клаус Йоханниспен келіссөз жүргізді
© Сурет: akorda
Мемлекет басшысы Қазақстан мен Румыния арасындағы сауда-экономикалық байланыстардың қарқынды дамып келе жатқанын атап өтті, деп хабарлайды Zakon.kz Ақордаға сілтеме жасап.
Румыния – Қазақстанның Шығыс Еуропадағы жетекші сауда серіктесі. Бүгінде екіжақты сауда-саттық көлемі 20 пайызға артып, 1,3 миллиард долларға жетті.
"Біз Румынияны достас мемлекет ретінде қарастырамыз. Сіздің елдің тарихына, жүргізіп отырған саясатыңызға және халқыңыздың дәстүріне құрметпен қараймыз", - деді Қасым-Жомарт Тоқаев.
Мемлекет басшысы сауда-экономикалық қарым-қатынастарға тың серпін беру үшін Үкіметаралық комиссияның, Қазақстан және Румыния Іскерлік кеңесінің жұмысын жандандыру керек екенін айтты.
Клаус Йоханнис Қазақстан мен Румыния арасындағы екі жақты ынтымақтасты одан әрі дамытуға ниетті екенін жеткізді.
"Мен және менің командам бүгін сіздермен осы жерде кездескеніміз үшін қуаныштымыз. Өйткені біз сенімді экономикалық және саяси серіктес елдерміз. Осы кездесу алдында мемлекеттеріміздің өзара қарым-қатынасының тарихымен таныстым. Сізбен саяси диалогты жоғары деңгейде нығайтуға зор мүмкіндік бар деп ойлаймын", - деді Румыния Президенті.
Тараптар халықаралық күн тәртібіндегі мәселелер жөнінде, сондай-ақ БҰҰ және ЕҚЫҰ аясындағы өзара ықпалдастық жайында пікір алмасты.
Кездесу соңында Қасым-Жомарт Тоқаев Клаус Йоханнисті Астана халықаралық форумына негізгі қонақтардың бірі ретінде қатысуға шақырды.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
16:04, 23 қазан 2024
Ішкі істер министрлігі Қазақстанда мопедтерді тіркеу қашан басталатынын айтты
-
15:55, 23 қазан 2024
Ресейлік әйел 40 жасында ғана «83 маусымда» дүниеге келгеннін білді
-
15:48, 23 қазан 2024
Прокурорлардың ықпалымен жетім балалар тұрғын үй кезегіне қойылды
-
15:37, 23 қазан 2024
Теңгенің әлсіреуіне байланысты Қазақстанда қандай өнімдер қымбаттауы мүмкін
-
15:26, 23 қазан 2024
Өлтіріп, өзенге лақтырған: Атырауда жоғалған қыздың денесін іздеп жатыр