Тоқаев Орталық Азия елдері арасында жасанды интеллект бойынша серіктестік құруды ұсынды
© Фото: akorda.kz
Қазақстан Президенті Қасым-Жомарт Тоқаев Орталық Азия елдері арасында жасанды интеллект саласындағы серіктестік құруды ұсынды, деп хабарлайды Zakon.kz.
Мемлекет басшысы Қазақстанда жасанды интеллектінің біртұтас экожүйесін қалыптастыру жұмыстары жүргізіліп жатқанын атап өтті.
"Қазақстан жасанды интеллектінің біртұтас экожүйесін дәйекті түрде құра бастады. "Жасанды интеллект туралы" заң қабылданды. Digital Qazaqstan стратегиясы жүзеге асырылуда. Суперкомпьютер кластері іске қосылды. Alem.ai халықаралық орталығы жұмыс істеп тұр", – деді Қасым-Жомарт Тоқаев.
Президент жасанды интеллект тақырыбының өзектілігін ескере отырып, осы салада Орталық Азия серіктестігін құру мүмкіндігін қарастыруды ұсынды.
Оның айтуынша, мұндай серіктестік аясында мемлекеттердің ғылыми орталықтары, университеттері мен технологиялық компаниялары ақпарат және тәжірибе алмаса алады.
Сонымен қатар Қасым-Жомарт Тоқаев нейрожелілерді қауіпсіз пайдаланудың маңызын атап өтті.
"Меніңше, аса маңызды технологияларды бақылаудың бірлескен тәсілдерін әзірлеуге уақыт оздырмай кірісу керек. Осыны ескере отырып, Қазақстан Орталық Азия елдері мен Әзербайжанға жасанды интеллектіні жауапкершілікпен қолдану туралы декларация әзірлеуді ұсынды", – деді Президент.
Мемлекет басшысы жасанды интеллектіні дамытуға қатысты қауіп-қатерлер халықаралық деңгейде белсенді талқыланып жатқанын атап өтті.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
22:55, 10 қараша 2026
«Ұрып-соғып, қорлаған»: алматылық әйел ерекше баласына балабақшада қысым көрсетілгенін айтты
-
22:08, 10 қараша 2026
Бірі тоқтап тұрған, екіншісі соғып кеткен: Алматыда екі автобус соқтығысты
-
21:59, 10 қараша 2026
Тоқаев Түркиядағы металлургия зауытындағы жарылысқа байланысты Ердоғанға көңіл айтты
-
21:13, 10 қараша 2026
Павлодар тұрғыны бейтаныс адаммен ішімдік ішіп, ауруханадан есінен айырылып шыққан
-
20:57, 10 қараша 2026
Тоқаев Мәскеуге барды





