Тоқаев Қазақстанның Словения мен Румынадияғы елшісін тағайындады

11:18, 24 наурыз 2023
217

© Сурет: Zakon.kz

24 наурыз күні мемлекет басшысы Қасым-Жомарт Тоқаевтың жарлығымен Әлібек Бақаев Қазақстан Республикасының Словения Республикасындағы, ал Ерлік Әли Қазақстан Республикасының Румыниядағы Төтенше және өкілетті елшісі болып тағайындалды, деп хабарлайды Zakon.kz.

Қазақстан Республикасының Аустрия Республикасындағы Төтенше және өкілетті елшісі, Қазақстан Республикасының Вена қаласындағы халықаралық ұйымдар жанындағы тұрақты өкілі Әлібек Әсетұлы Бақаев Қазақстан Республикасының Словения Республикасындағы Төтенше және өкілетті елшісі қызметін қоса атқарушы болып тағайындалды, деп жазды Ақорданың ресми сайты.


"Ал Ерлік Шәкірұлы Әли Қазақстан Республикасының Румыниядағы Төтенше және өкілетті елшісі болып тағайындалды, ол Қазақстан Республикасынан Шанхай ынтымақтастығы ұйымы қызметінің мәселелері жөніндегі Ұлттық үйлестіруші лауазымынан босатылды", – делінген жарлықта.


Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!