Тоқаев: аймақтар қуатты болса, бүкіл мемлекет өсіп-өркендейді

Мемлекет басшысы аумақтық саясат жан-жақты ойластырылып жүргізілуге тиіс екенін айтты, деп хабарлайды Zakon.kz.

"Аймақтар қуатты болса, бүкіл мемлекет өсіп-өркендейді. Сондықтан еліміздің әкімшілік-аумақтық құрылымы оңтайлы әрі тиімді болуы керек. Бұл – өте маңызды мәселе" деп есептейді мемлекет басшысы.

"Былтыр жаңадан Абай, Ұлытау және Жетісу облыстары құрылғанын білесіздер. Бұл қадам осы аймақтарды тың қарқынмен дамытуға жол ашты. Біз аймақтар арасындағы экономикалық теңсіздікті азайту үшін тиімді шаралар қабылдауымыз керек. Осы ретте Үкімет әкімдермен бірлесіп, әрбір облыстың әлеуетін арттыруға тиіс". Қасым-Жомарт Тоқаев

Тоқаев әр аймақтың өзіне тән мүмкіндігін толық пайдалану қажет екенін айтты.

"Мен мұны бірнеше рет айттым. Сондай-ақ агломерацияларды дамыту мәселесіне баса назар аударған жөн. Үкімет осыған қатысты заңның мүлтіксіз орындалуын және жоспарланған жұмыстың тиімді атқарылуын қамтамасыз етуге тиіс".