Теміртауда тұрғын үйлердегі жылу қалпына келтірілді

Теміртауда электр стансасындағы апат салдарынан жылусыз қалған тұрғын үйлер жылуға қайта қосылды. Нысанда жөндеу жұмыстары жүріп жатыр, деп хабарлайды Zakon.kz.

Теміртау қаласы әкімдігінің мәліметінше, Ескі қала үйлеріндегі температура кестесі қалпына келтірілді, үйлер сәл жылынды.

"ҚарГРЭС-1-де багерлік сорғының су басуына байланысты қазандық агрегаттары резервтік отынға (мазут) ауыстырылды. Қазіргі уақытта жөндеу жұмыстары жүргізілуде, қажетті жабдықтар мен станцияның отын қоры мол".Теміртау қаласы әкімдігінің баспасөз қызметі

Бұған дейін 11 желтоқсанда ҚарГРЭС-1-де сорғы станциясында апат болғаны, соның салдарынан Теміртауда жылу беру жартылай шектелгені мәлім болды. Апатты жою үшін жедел штаб құрылды.