Таразда 16 жасар жасөспірім өгей әкесінен жүкті болып қалды

Жамбыл облыстық перинаталдық орталығына "ерте жүктілік" диагнозы қойылған 16 жасар кәмелетке толмаған қыз түсті. Zakon.kz тілшісі оқиғаның мән-жайын анықтамақ болып, облыстық полиция департаментіне хабарласты. Толығырақ ақпаратта.

Полиция жедел-іздестіру іс-шараларының нәтижесінде қыздың 54 жастағы өгей әкесі қылмыстық іс-әрекет жасады деген күдікке ілініп, ұсталғанын айтты.

"Қазіргі уақытта аталған факті бойынша ҚР ҚК 120-бабының 3-1-бөлігі бойынша сотқа дейінгі тергеу жүргізілуде. Бірқатар қажетті сот-медициналық сараптамалар тағайындалды. Қазір күдікті тергеу сотының санкциясымен қамауда", – деді полиция.

Бұған дейін Өскемен және Қарағанды қалаларында телефон алаяқтары ұсталғандығы хабарланған болатын.