Таразда базардағы дүңгіршектің бірінен ұрлық жасаған күдікті қолға түсті

Тараз тұрғыны орталық базардағы дүңгіршегіндегі ұрлық туралы полиция басқармасының "102" арнасына хабарласты. 23 жастағы арызданушының айтуынша, белгісіз біреулер дүңгіршектің есігін бұзып кіріп, қымбат бағалы тауарларын ұрлап кеткен, деп хабарлайды Zakon.kz.

Оқиға орнына дереу жеткен полиция қызметкерлері жедел-іздестіру шараларын ұйымдастырды. Тиісті жұмыстардың нәтижесінде қылмысқа қатысы бар деген күдікпен 23 жастағы екі ер адам анықталып, ұсталды.

Тексеру барысында күдіктілердің осыған ұқсас қылмыстары үшін бұрын сотталғаны белгілі болды. Олардың жанынан айғақ заттар тәркіленіп, қылмыстық іс материалына қосылды.

Аталған дерек бойынша ҚР Қылмыстық кодексінің ("Ұрлық") бабымен сотқа дейінгі тергеу амалдары жүргізіліп жатыр.