БҚО-да алаяқтықтың 10 эпизодына қатысы бар күдікті ұсталды

БҚО-да полиция қызметкерлері керме төбе орнату қызметін ұсыну арқылы бірнеше азаматты алдаған ер адамды ұстады, деп хабарлайды Zakon.kz.

Алаяқ алдын ала төлем алып, міндеттемелерін орындамаған. Алдын ала төлемдердің сомасы 15 мыңнан басталып 118 мың теңгеге дейін болған.

Қазіргі уақытта алаяқтық фактілері бойынша 10 эпизодқа қатысты қылмыстық іс қозғалды. Алданғандар - Теректі, Бөрлі аудандарының және Орал қаласының тұрғындары.

Жалпы келтірілген шығын сомасы - шамамен 500 мың теңге.

Күдікті ұсталып, уақытша ұстау изоляторына қамалды. Қазіргі таңда алдын ала тергеу жүргізіліп жатыр.