Таң сәріден кезек: Құрылтай сайлауына халық белсенді қатысып жатыр

Бүгін, 23 тамызда, Қазақстанда тарихта алғаш рет Құрылтай депутаттарын сайлау өтіп жатыр, деп хабарлайды Zakon.kz.

Дауыс беру таңғы сағат 07:00-де басталып, 20:00-ге дейін жалғасады. Сайлаудың алғашқы сағаттарынан-ақ учаскелерде халықтың қарасы қалың. Жексенбінің таңғы мамыражай тыныштығына қарамастан, сайлау учаскелері есігін ашқан сәттен бастап тұрғындар дауыс беруге келе бастады. Кейбір учаскелерде тіпті алғашқы сағаттарда-ақ кезек қалыптасты.

Сайлау учаскелеріне азаматтар жеке-жеке ғана емес, отбасымен, әулетімен, сондай-ақ еңбек ұжымдарымен бірге келіп жатыр. Ата-анасымен бірге келген балалар мен немерелерін ерткен аға буын өкілдерін де кездестіруге болады. Осылайша, сайлау учаскелерінде таңнан бері ерекше қарбалас пен мерекелік көңіл күй байқалады.

Сурет: Әлеуметтік желіден алынды

Биылғы сайлаудың Қазақстан үшін тарихи маңызы айрықша. Ел азаматтары алғаш рет жаңа бір палаталы заң шығарушы орган – Құрылтайдың құрамын жасақтау үшін дауыс беріп жатыр.

Сайлау күні ел бойынша дауыс беру учаскелері таңғы сағат 07:00-ден бастап жұмысын бастады. Қазақстандықтар өз таңдауын жасап, ел тарихындағы алғашқы Құрылтай депутаттарын сайлауға қатысып жатыр.