Алматыда бір тәулікте жол қозғалысы ережесін бұзудың 1 560 дерегі анықталды

Жол қозғалысы қауіпсіздігін қамтамасыз ету аясында 21 тамызда Алматы аумағында жол қозғалысы ережесін бұзудың 1 560 дерегі анықталды. Оның ішінде жол қозғалысына қатысушылардың өмірі мен денсаулығына қауіп төндіретін 196 өрескел құқық бұзушылық бар, деп хабарлайды Zakon.kz.

Алматы прокуратурасының мәліметінше, анықталған заң бұзушылықтардың ішінде:

• көлікті мас күйінде басқару – 9 дерек;
• көлік құралын басқару құқығынан айырылған адамның көлік жүргізуі – 1 дерек;
• жалған мемлекеттік тіркеу нөмірімен көлік жүргізу – 2 дерек;
• маневр жасау ережесін бұзу, оның ішінде қауіпті маневр жасау ("шашки") – 77 дерек;
• қауіпсіздік белдігін тақпау – 63 дерек;
• қарсы қозғалыс жолағына шығу – 5 дерек;
• көлік жүргізу кезінде ұялы телефон пайдалану – 39 дерек.

Сонымен қатар 42 көлік арнайы тұраққа қойылды.