Смайылов: Бердібек Машбекұлы - Қазақстанның қазіргі тарихындағы ұлы тұлғалардың бірі
© Сурет: Telegram/prokadrykz
ҚР Премьер-министрі Әлихан Смайылов мемлекет және қоғам қайраткері Бердібек Сапарбаевтың отбасы мен жақын туыстарына көңіл айтты, деп хабарлайды Zakon.kz.
Үкімет басшысы бүгін көрнекті мемлекет және қоғам қайраткері Бердібек Машбекұлы Сапарбаев халқының сүйікті перзенті, еліміздегі ең маңызды тарихи оқиғалардың басы-қасында жүрген бірегей саясаткер екенін айтты.
"Бердібек Машбекұлы Қазақстанның қазіргі тарихындағы ұлы тұлғалардың бірі, алты Алашқа адал қызмет еткен үлкен жүректі ел ағасы болды десек артық айтқандық емес. Ол еңбек жолының ең күрделі кезеңдерін егемендіктің елең-алаңында, яғни 90 жылдары өткеріп, бес өңірдің әкімі лауазымын абыроймен атқарды, екі рет еңбек және халықты әлеуметтік қорғау министрі, Премьер-министрдің орынбасары болып қызмет етті. Бердібек Машбекұлының жарқын бейнесі ел жадында мәңгі сақталады", - деді Әлихан Смайылов.
Үкімет басшысы сөз соңында Қазақстан Республикасы Үкіметінің және жеке өз атынан марқұмның отбасы мен туған-туыстарына көңіл айтты.
"Бұл – біз үшін орны толмас, өте ауыр қайғы. Марқұмның топырағы торқа, иманы саламат болсын!", - деді ол.
Бердібек Сапарбаевтың қайтыс болуына байланысты марқұмның отбасы мен жақын туыстарына Қасым-Жомарт Тоқаев, сондай-ақ Нұрсұлтан Назарбаев та көңіл айту жеделхатын жолдаған болатын.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
18:25, 26 қазан 2024
Алматыда Әбдіжәміл Нұрпейісовтың 100 жылдығына арналған конференция өтті
-
17:51, 26 қазан 2024
Ақмола облысында жеке тұрғын үйде өрт шықты
-
17:07, 26 қазан 2024
Атырау облысында жантүршігерлік жол апатынан төрт адам қаза тапты
-
16:11, 26 қазан 2024
Жексенбіде елдің бірнеше өңірінде жаңбыр жауып, дауыл мен екпіні күшті жел соғады
-
15:45, 26 қазан 2024
Қостанай облысында жеңіл көліктің түгі қалмай өртеніп кетті