СІМ Кореяда ұсталған қос қазақстандық туралы: Оларға ұзақ мерзімді жаза сұралуы мүмкін

© Сурет: Instagram/korea_komek
ҚР СІМ ресми өкілі Айбек Смадияров Оңтүстік Корея әуежайынан қашқан қазақстандықтардың жағдайына қатысты түсініктеме берді. Оның айтуынша, осы және басқа да бұзушылықтар үшін оларға ұзақ мерзімді жаза сұралуы мүмкін, деп хабарлайды Zakon.kz.
Айбек Смадияров алғашқы сот отырысы өтіп кеткенін айтты.
"Алдағы уақытта тиісті шаралар қабылданып, мәліметтер нақтыланатын болады. Олар Оңтүстік Корея аумағында жазаланады. Әрине, ауыр бұзушылық. Оларға қылмыстық құқық бұзушылықтар ғана емес, қаржылық құқық бұзушылықтар бойынша да айып қосылды. Олар келтірген зиян үшін өтемақы төлеуі керек. Сондықтан біз сот шешімін күтіп отырмыз, бірақ ола ұзақ мерзім сұрауы мүмкін". Айбек Смадияров
2023 жылы 27 наурызда Оңтүстік Кореяға заңсыз келгендіктен елге кіргізуден бас тартылған Қазақстанның екі азаматы Инчхон халықаралық әуежайынан қашып, шекараны заңсыз кескен. ҚР СІМ мәліметінше, екі қазақстандыққа Оңтүстік Корея заңнамасын үш рет бұзғаны үшін айыптар тағылып отыр. Біріншісі - "Иммиграциялық бақылау туралы" заңды бұзу, яғни елге заңсыз кіру. Екіншісі - "Иммиграциялық бақылау туралы" заңды бұзу, яғни ел аумағында заңсыз болу. Үшіншісі – "Әуежай объектілері және оның құрылыстары туралы" заңды бұзу, материалдық залал келтіру".
ҚР СІМ мәліметінше, қазақстандықтардың бірін кейін жергілікті полиция сақшысы ұстаған, екіншісі кейін кінәсін мойындап, полицияға өз еркімен берілген.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
13:46, 16 ақпан 2025
БҚО-да ер адамды 300 келі болатын шөп орамы басып қалды
-
13:13, 16 ақпан 2025
Алматы хайуанаттар бағының басқа қалаға көшіріле ме
-
13:13, 16 ақпан 2025
Алматы хайуанаттар бағын басқа қалаға көшіру жоспарланбаған
-
12:45, 16 ақпан 2025
Азия ойындарында чемпион атанған хоккейшілер елге оралды
-
11:24, 16 ақпан 2025
Әлемнің бірінші ракеткасы үш айға жарыстан шеттетілді