Шымкенттің хайуанаттар бағы қос қуанышты жаңалығымен бөлісті

Шымкент хайуанаттар бағының әкімшілігі қуанышты жаңалықпен бөлісті. Белгілі болғандай, хайуанаттар бағы қос кішкентай ботамен толықты, деп хабарлайды Zakon.kz.

Хайуанаттар бағы 2024 жылы 28 мамырда Instagram-дағы парақшасында видео жариялады.

Посмотреть эту публикацию в Instagram

Публикация от Шымкентский зоопарк (@shymkentzoo)

"Зоосаябағымыз кішкентай сүйкімді боталармен толығып, жануарлардың басы көбеюде. 23 наурыз күні Жайнақ пен Тайлақ түйелер жұбында кішкентай бота дүниеге келіп, араға 20 күнді сала отырып, Айшуақ пен Мойнақ атты түйелер жұбында тағы да 12 сәуір күні бота дүниеге келді. Қазіргі таңда боталардың жағдайлары жақсы, өздерін сергек сезінуде. Секіріп ойнап, ата-анасына еркелеп, аналарының сүтін емуде. Боталар түрлі шөптердің дәмін татып, қайнатылған бидай, картоп, сәбіз,қызылшаны да жақсы жеуде. Біз әрбір төл үшін қатты қуанамыз. Кішкентай боталарды Африка аумағынан көре аласыздар!". Шымкент қалалық хайуанаттар бағы