ШҚО-да жас жігіт 81 жастағы әжені ұрып, алтындарын тонап кетті

11:46, 12 маусым 2020
785

Шығыс Қазақстан облысына қарасты Үлкен Бөкен ауылында жалғызбасты кейуананы ұрып, тонап кетті, деп хабарлайды zakon.kz Еуразия бірінші арнасына сілтеме жасап.

81 жастағы қарт әжейдің үйінің кіреберіс есігін бұзып кірген қаскөй одан ақша мен алтын бұйымдар талап етіпті. Ал бағалы ешнәрсе таппаған соң, зейнеткерді соққыға жығып, қарапайым әсемдік бұйымдарын қолды қылған.

Зардап шегуші оқиға туралы полицияға өзі хабарлап, күдіктінің қандай киімде болғанын айтып беріпті. Жедел іздеуге кіріскен тәртіп сақшылары 24 жастағы жергілікті тұрғынды ұстап, уақытша ұстау изоляторына қамауға алды. Анықталғандай, сезікті бұрын егде жастағы әйелге үй шаруасымен көмектескен екен және оның жалғыз тұратынын білген. Сондай-ақ ер адам бұрын ұрлық және бұзақылық жасағаны үшін істі болған.


Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!

Пікір