ШҚО-да темір құбырға саусағы қысылып қалған балаға көмек көрсетілді

ШҚО Күршім ауылында құтқарушылар саусағы құбырға қысылып қалған балаға көмекке келді, деп хабарлайды Zakon.kz.

ҚР ТЖМ мәліметінше, сегіз жасар бала үйде ойнаған, ал үй жұмысымен айналысып жүрген анасы оқиғаның қалай болғанын байқамай қалған. Ол жағдайды өз бетінше шеше алмай, құтқарушылардан көмек сұрады.

Құтқарушылар құтқару операциясын абайлап жүргізіп, баланың саусағын босатты. Балаға медициналық көмек қажет болмады.

Саусағы қысылып қалған құбыр, бала ойнаған бағанның тұтқасы еді.

"Кішкентай кейіпкер өзін ересектер сияқты ұстады — тыныш және көз жассыз",- делінген ақпаратта.

Бұған дейін Президенттің Республика күні қарсаңында ғалымдарды, құтқарушыларды және өндіріс қызметкерлерін марапаттағаны хабарланған болатын.